martes, 15 de mayo de 2018

Obradoiro de ilustración con Anxo Fariña




Onte disfrutamos dun obradoiro de ilustración con Anxo Fariña, quen nos falou dos seus inicios no mundo da literatura como escritor e ilustrador, presentounos varios trucos o do CO, VULC, CT,D, b, U, LL, VM... con todas estas letras aprendimos a facer rostros e figuras dun xeito moi doado. Unha marabilla para os rapaces e os adultos que por alí estivemos.

MOITAS GRAZAS 
por este momento tan especial e 
polos libros que nos deixou como agasallo, 
a nova saga de 4_Xinetes!

Letras Galegas 2018: Xogo sobre María Victoria Moreno


Preme na imaxe para acceder ao xogo interactivo

Canto sabemos de María Victoria Moreno? Propoñémosvos nun xogo con dez preguntas e un premio virtual que permite achegarse á traxectoria da cuarta muller á que a Real Academia Galega dedica o Día das Letras Galega. De acertar, iranse sumando puntos para a recompensa final, virtual e relacionada coa autora. De non acertar, o xogo ofrece un vídeo explicativo que conduce á resposta correcta.
Pásate pola biblioteca para ver as obras da autora galardoada nas Letras Galegas 2018 

domingo, 13 de mayo de 2018

7 Palabras para definir a traxectoria de Mª Victoria Moreno



Naceu en Estremadura, medrou entre terras castelás e Cataluña e fíxose filóloga en Madrid. Pero María Victoria Moreno quixo ser galega. Cincuenta e cinco anos despois da súa chegada a Galicia, a Real Academia Galega dedícalle o vindeiro Día das Letras Galegas a esta pioneira da literatura infantil e xuvenil na lingua de noso, á profesora que soubo espertar vocacións literarias e compromiso coa fala entre o seu alumnado adolescente, á mestra de mestres, á editora entusiasta.

Comprobámolo percorrendo súa biografía vital e literaria a través de sete palabras que teñen moito que dicir desta muller afouta das nosas letras!

Preme nas imaxes para descobrir o significado das palabras para a autora.


   
  Conversión                       Arroás                     Cachorro    
  Insurrecto


   

editor/a                     elexía                            ronsel     


 Vía Portal das palabras en Setestrelo
   
       

sábado, 12 de mayo de 2018

Día Escolar das Matemáticas 2018: As Matemáticas e o poder dos votos




Por que un candidato perde fronte a outro que obtivo máis votos?

A elección de representantes políticos é unha das características da democracia e require resolver un problema aparentemente sinxelo: como reflectir a opinión da poboación nun número determinado de escanos. Diferentes modelos matemáticos deron resposta a esta cuestión definindo métodos de repartición. Aínda que ningún é perfecto, móstrannos a importancia da matemática que ademais se volveu a linguaxe da análise política.

Este ano habemos dedicamos pois o Día Escolar das Matemáticas a lles eleccións e os diferentes sistemas de reconto de votos. A proposta de traballo con alumnos: Matemáticas e o poder dos votos. foi elaborado por Antonio Moreno Verdejo, licenciado en Ciencias Físicas e doutor en Matemáticas. Exerce como profesor na Facultade de Ciencias da Educación da Universidade de Granada onde tamén coordina o Máster de Formación do Profesorado de Secundaria e Bacharelato.




domingo, 6 de mayo de 2018

XIV Premio Frei Martín Sarmiento a Antón Riveiro Coello


A ferida do vento de Antón Riveiro Coello é a obra gañadora do XIV Premio Frei Martín Sarmiento na categoría de bacharelato e adultos.
A última novela de Riveiro Coello ata a data, de quen chegou ás librarías a finais do pasado ano a colección de microrrelatos Á sombra dos bonsais, consegue alzarse cun dos galardóns máis orixinais do panorama literario galego dos últimos anos. O Premio Frei Martín Sarmiento concibido coma unha actividade de animación á lectura en lingua galega, parte da proposta dunha serie de libros finalistas en diferentes categorías dende a Educación Infantil ata o Bacharelato que o alumnado le e comenta ao longo do curso, e sobre os que emite as súas valoracións para elixir o libro gañador en cada unha das diferentes categorías.
Antón Riveiro Coello fixérase xa co galardón grazas á novela Laura no deserto (2011), e repite desta volta con A ferida do vento, que suma xa catro reimpresións dende que chegase ás librarías en outubro de 2016, e que non deixa de sumar lectores. É esta unha novela de formación, escrita cunha ollada lírica e sensible, onde o autor limiao non só nos ofrece un fresco humano da súa vila, poboada de personaxes memorables entre os que figura o escritor Carlos Casares, senón tamén a reprentación exquisita do paso da infancia á adolescencia.
Os nosos parabéns ao autor e non perdades a oportunidade de lela!
Vía Editorial Galaxia

María Victoria Moreno: "constelación literaria" arredor dalgúns dos seus libros



Como contribución ao recoñecemento da figura de María Victoria Moreno, co gallo da celebración do Día das Letras Galegas 2018, desde a Dirección Xeral de Centros e Recursos Humanos da Consellería de Cultura, Educación e Ordenación Universitaria, ponse a disposición do profesorado interesado un material elaborado desde a Asesoría de bibliotecas escolares, arredor de varios títulos desta autora. 
Trátase dunha selección de títulos que se vinculan, a modo de "constelación literaria" con outros libros referenciais da literatura infantil e xuvenil galega, en base a distintos criterios (temática, personaxes comúns e outros). Para cada un dos títulos de María Victoria Moreno, hai ademais un espazo baleiro dispoñible que convida a continuar estas propostas.
Este cartel, que se pode descargar desde esta páxina en formato DIN A3, chegará en formato impreso a todos os centros de Galicia en breves datas.
Agardamos que sexa un material útil e que poida axudar no labor do profesorado e das bibliotecas escolares por conseguir vincular ao alumnado á lectura en galego, a través de textos  dos nosos autores e das nosas autoras e, moi especialmente neste ano, a través dos libros de María Victoria Moreno


jueves, 3 de mayo de 2018

Nueva trilogía de Laura Gallego: El bestiario de Axlin


¡Por fin llegó el momento que muchos estabais esperando! A partir de hoy podéis encontrar en la biblioteca la primera entrega de Guardianes de la Ciudadela, la nueva trilogía de Laura Gallego: El bestiario de Axlin.
"Es solo la primera parte de una saga repleta de monstruos, aventuras, misterios y emociones fuertes, y espero que disfrutéis con su lectura tanto como estoy disfrutando yo a la hora de escribirla.
En los próximos meses podré compartir con vosotros más novedades acerca de los siguientes libros, pero por el momento, y acompañando a la publicación de la primera entrega, podéis acceder en la web a la ficha del libro, descargar el primer capítulo y leer una página de curiosidades"

martes, 24 de abril de 2018

No Salón do Libro 2018



O pasado venres 13 estivemos disfrutando do Salón do Libro en Pontevedra, nesta ocasión o encontro contou con varios autores cos que fixemos unha "speed date", cada vinte minutos cambiabamos de curruncho para atopar a María Reimóndez, Ledicia Costa, Fran Alonso, Tamara Andrés e Anxo Fariña. E como agasallo Eva Mejuto, organizadora do evento, nos fixo un oco na súa apretada axenda e puidemos falar con ela de 22 segundos, unha das obras que limos en conxunto.
Despois de cantar "Nin fadas, nin princesas", tras compartir mesa e mantel no food truck mexicano e  moitos momentos inesquecibles con rapaces doutros centros non podemos dicir nada máis que
GRAZAS 
pola esperiencia e o bo rato que pasamos nun día chuvioso pero que dentro das instalacións do salón brillou pola imaxinación, alegría e ben facer dos organizadores e de todos os clubs de lectura que coincidimos.


Para ver a galería de fotos preme na imaxe.

E para rematar o agasallo que levaron os rapaces do Salón, ademais de compartir experiencias cos membros dos outro clubes, a organización os obsequiou cunha xeitosa caixiña de doces e unha fermosa cita dos autores no salón, para mostra este de Fran Alonso:




Perdoade a tardanza en publicar o post... pero como sabedes estivemos de viaxe por París mon amour...